Proteksyon na hinihingi ni Lozada, kinuwestyon ng mga Huwes

February 29, 2008

Muling humarap si ZTE deal witness Rodolfo Jun Lozada sa Court of Appeals kaugnay ng pagdinig sa inihaing Writ of Amparo ng kanyang kapatid.

Ginawa ang pagdinig sa CA 2nd division na may kinalaman sa petisyon ni Lozada na mabigyan siya at ang kaniyang pamilya ng protection order dahil sa umano’y panganib sa kaniyang buhay.

Pero sa ikalawang pagkakataon ay muling nakakita ng “error” ang mga huwes ng Court of Appeals sa inihaing mosyon dahil hindi raw maaaring kasuhan ang Pangulo dahil sa immunity kahit pa iginigiit ng kampo ni Lozada na dapat na manatili ang Pangulo bilang isa sa mga respondents sa kaso. UNTVweb.com